Sa Chaps kami nagpapagupit ng Daddy ko. Si Rod ang favorite barbero namin. Dito sa picture mukha akong nakasimangot. Pero hindi naman ako malungkot. Serious lang. Sabi kasi ni Rod wag malikot at magugupit ang ears ko. Nung makita ni Tita Alma at Tito Mar na kalbo ako, nagpa-kalbo din si Luis. Si Luis ang friend ko na kapitbahay ko. Pareho na kaming kalbo. Tingin niyo po bagay ba?

Nagpakalbo kami ng Daddy ko last Saturday. Para daw summer look pag punta namin sa Bora sa April 26.

Masakit mapalo ni Daddy.

Napagalitan ako ni Daddy ngayon. Dalawa ang kasalanan ko. Una, tinapon ko ang wafer ko. Masama kasi magtapon ng pagkain. Pangalawa, sinabi ko kay Mommy na naubos ko pero hindi naman. Kaya nagsinungaling ako.

Muntik na ako mapakain ng sili. Iyak ako ng iyak. Tinakpan ko ang mouth ko. Sabi ko kay Daddy hwag po. Buti na lang iba na lang ang pinagawa. Pinalo ako ng slipper niya sa pwet. Ang sakit! Tapos pina-face the wall ako hanggang 6 p.m.

Nung nakatayo ako sa may kitchen, di ako pwede gumalaw. Kahit pagod na ako ganon pa rin. Kahit makati ang legs ko, di pwede pa din. Ayaw mawala ng kati. Naiiyak pa din ako.

Ang natutunan ko kagabi ay wag magsinungaling at wag magtapon ng pagkain. Kaya hindi ko na uulitin. Nag-promise na ako sa kanila Mommy at Daddy.

Ok na kaming lahat pagkatapos. Bago mag-dinner nag scrabble muna sila Daddy at Mommy. Kaya ako nakanuod ng House of Mouse. Tapos nanood din kami ng Extra Challenge at Darna. Tapos dinner na. Pagkatapos mag-dinner umakyat na kami. Continue naming ang Darna sa TV sa bedroom. Nung 9 p.m. na, nag-toothbrush na kami. Hinugasan ko na ang paa ko. Tapos nag-massage ako kay Daddy habang natutulog siya.

Si Mommy nanood ng Simple Life at Arrested Development. Pero pag commercial sa Star World nililipat naming sa HBO kasi Looney Tunes The Movie ang palabas. Favorite ko din yun. Pagkatapos pinatay ko na ang TV pagkatapos ng Looney at natulog na ako. Sila Mommy at Daddy tulog na rin. Mas nauna pa natulog sa akin.

Hello!

Sabi ng mommy ko, pwede na raw ako mag-blog. Pero sinusulat ko muna sa lumang notebook ko tapos siya na lang ang magta-type. Araw araw sana makasulat ako. Iku-kwento ko ang tungkol sa mga nangyayari sa akin at sa mga friends ko.