Birthday Ko Part 2

Ngayon ang birthday party ko at papakita ko ang mga pictures ko. Doon ako nag-birthday sa bahay ng lolo at lola ko sa Pasig kaya wala ang mga friends ko.

Konti lang ang handa ko pero lahat naman favorite ko. Lahat ng handa ang Mommy ko ang nagluto. Nung pumunta kami sa Megamall pumunta kami ng Toy Kingdom at bumili ng balloons, banner, at party hats. Ako ang pumili ng Buzz Lightyear. Ako si Buzz Lightyear kasi. Kumpleto ako ng DVDs ng Toy Story. Wala akong bisita na bata kaya ang nagparty hats ay si Mommy, si Tito Lucky, ako, at si Ninang. Ang cap na Zurg ay kay Tito Lucky kasi enemy yon e. Kontrabida yon.

Dumating ang Daddy ko galing China ng 8pm at nag-start na kami. Kumanta sila ng Happy Birthday at nag-blow ako. Ang wish ko ay sana magka- Buzz Lightyear na toy ako.

Ito ang Ninang ko. Siya ang Grimwitch. Makulit yan kahit big sister sya ng Mommy ko.

Ang gift sa akin ng Daddy ko ay Spongebob Squarepants na Plug and Play. Ok lang kahit hindi Buzz kasi maganda din ang video game. Madami akong nakain sa handa ko kasi favorite ko ang fried chicken at crispy pata.