First Day Funk

First day ko kahapon na maging Kinder 2. Sa Laguna Bel Air School ako nag-aaral. Pang morning na ako kasi gusto ng mommy ko matutulog ako pag hapon e. Ang class ko na ngayon ay Kinder 2 - Hope.

Ang mommy ko ang naghatid sa akin kahapon kasi promise niya yun e. Kinausap din kasi sila ng teacher ko. Ang teacher ko pala ay si Ms. Gomez. Yon ang tatawag namin sa kanya. Kasi nung Kinder 1 ako Teacher Jenny ang tawag namin sa teacher ko. Gusto ng teacher ko ngayon Miss ang tawag sa kanya e.

Marami akong old classmate na galing sa Kinder 1 - Peace. Nag morning na rin sila. Si Aura, Angelica Emille, Joseph, at Ariel. Tapos classmate ko na ang crush ko na si Michelle. Naunahan ko na si Luis kasi Kinder 1 lang siya e.

Maganda ang desk ko color yellow. Tapos itataas mo ang cover para malagay ang things mo sa loob. Tapos ang bag ko stroller bag na. Kasi uuwi na namin everyday ang books at notebooks namin. May lunch box din ako. Kasi dati ang bag ko parang pang toddler lang kasi Winnie The Pooh. Pero ngayon ang bag ko na bigay ng lola ko walang design, green lang. Pang boy kasi. Nanggaling na ang bag ko sa China pero ang bag ng mga classmate ko Philippines lang.

Kaya ganyan ang title ng post ko kasi nung pinaliliguan ako ng Mommy ko kahapon kumakanta ako ng let's do the funk, let's do the first day funk. Hahahaha.